پارس رياض ملاح: نوجوان پبلشر ۽ شاعر رياض ملاح'>پارس رياض ملاح جو پورو نالو رياض حسين ولد جمال الدين ملاح آهي. هن 26 جولاءِ 1979ع تي ڳوٺ جمال الدين ملاح، تعلقي ناري ضلعي خيرپور ۾ جنم ورتو. سندس تعليم ايم. اي، بي. اي آهي. هن شاعريءَ جي شروعات 1998ع کان ڪئي. هيءُ علم دوست سنگت ناري ۽ همدرد سوشل ويلفيئر ائسوسيئيشن ڳوٺ جمال الدين جو رابطه سيڪريٽري آهي. ان کان سواءِ سلسليوار رسالي ’جديد تاريخ نارو‘ ۽ سلسليوار ’ريگستان‘ چونڊڪو جو چيف ايڊيٽر به آهي. هن سلسليوار ’سرهي سوچ‘ چونڊڪو ۾ سب ايڊيٽر طور پنهنجا فرض سرانجام ڏنا. سندس ڇپيل ڪتابن ۾ (1) ’پيچ پريت جو‘ (ترتيب: 2005ع) (2) ٻاراڻا ٻول ۽ رانديون (تحقيق) 2009ع (3) سنڌوءَ جي ڪناري شاعري (ترتيب 2011ع) شامل آهن.
پارس رياض ملاح پي. ٽي. وي ۽ ريڊيو پاڪستان جي ڪيترن ادبي پروگرامن ۾ شرڪت ڪري چڪو آهي. هن وقت هڪ پرائيويٽ اسڪول ۾ استاد طور پنهنجا فرض سرانجام ڏئي رهيو آهي.
1979.07.26 عيسوي
نوجوان پبلشر ۽ شاعر پارس رياض ملاح جو پورو نالو رياض حسين ولد جمال الدين ملاح آهي. هن 26 جولاءِ 1979ع تي ڳوٺ جمال الدين ملاح، تعلقي ناري ضلعي خيرپور ۾ جنم ورتو.